ഓസ്ട്രേലിയൻ മലയാളിയുടെ ‘തുമ്പി തുള്ളൽ’ ഓണപ്പാട്ട് പുറത്തിറങ്ങി

ബ്രിസ്‌ബെയ്ൻ: ഓണനാളുകളിൽ മലയാളികൾക്ക് വേറിട്ട സംഗീതാനുഭവം നൽകാൻ ഓസ്‌ട്രേലിയൻ മലയാളിയും നിർമാതാവുമായ ഷിബു പോളിന്റെ ‘തുമ്പി തുള്ളൽ’ എന്ന ഓണപ്പാട്ട് ആൽബം പുറത്തിറങ്ങി.

സന്ധ്യ ഗിരീഷ് പാടി വരികൾ എഴുതിയ ഈ ആൽബത്തിന് ഗിരീഷ് ദേവ് സംഗീതവും ഓർക്കസ്ട്രേഷനും നിർവഹിച്ചിരിക്കുന്നു. അരീഷ് മാത്യു തെക്കേക്കര കീബോർഡ് പ്രോഗ്രാമിങ്ങും അപ്പുസ് നാദസ്വരവും കൈകാര്യം ചെയ്തിട്ടുണ്ട്.

നിഖിൽ റോയ്, ശ്രീജു എന്നിവരാണ് ക്യാമറ. അനീഷ് സ്വാതി എഡിറ്റിങ്ങും ഡിഐയും നിർവഹിച്ചു. ഡെസിബെൽ ഓഡിയോ ഫാക്ടറി, പെന്റാ സ്പേസ് ഏരവിപേരൂർ, പെനെലോപ്പ് കൊച്ചി തുടങ്ങിയ സ്റ്റുഡിയോകളിലായാണ് റെക്കോർഡിങ് നടന്നത്.

ഡിസൈനുകൾ ഒരുക്കിയത് രാജീവ് രാജ് സപ്താ ഡിസൈൻസ് ആണ്. സംഗീതലക്ഷ്മി കോ-ഓർഡിനേഷനും മ്യൂസിക് പെന്റ മ്യൂസിക് പ്രൊഡ്യൂസേഴ്സും ആയി പ്രവർത്തിച്ചു. മനോരമ മ്യൂസിക് ആണ് ഈ ആൽബം പുറത്തിറക്കിയത്.