പ്രളയബാധിതർക്കായി നിർമിച്ച വീടിന്റെ താക്കോൽ കൈമാറി

കെപിസിസി പ്രസിഡന്റ് കെ. സുധാകരൻ, ഇന്ത്യൻ ഓവർസീസ് കോൺഗ്രസ് ഓസ്‌ട്രേലിയ പ്രസിഡന്റ് മനോജ് ഷിയോറൻ, ഇന്ത്യൻ ഓവർസീസ് കോൺഗ്രസ് കേരള ചാപ്റ്റർ എക്‌സിക്യൂട്ടീവ് കമ്മിറ്റി അംഗം ഡോ. ബിനു ജോൺ എന്നിവർ ചേർന്ന് പ്രളയബാധിതരായ രശ്മിക്കും റോയിക്കും പുതുതായി നിർമിച്ച വീടിൻറെ താക്കോൽ കൈമാറി.

ഡീൻ കുര്യാക്കോസ് എംപി, ഇടുക്കി ഡിസിസി പ്രസിഡന്റ് സി.പി. മാത്യു, മുൻ ഡിസിസി പ്രസിഡന്റ് ഇബ്രാഹിംകുട്ടി കല്ലാർ, പി.കെ. മോഹൻദാസ് ചെമ്പൻകുളം, ഒഐസിസിയിലെ ഹൈസ് ബിനോയ് എന്നിവരും പങ്കെടുത്തു.

ഐഒസി ഓസ്‌ട്രേലിയ-കേരള ചാപ്റ്റർ കെപിസിസി 1000 വീടുകൾ പദ്ധതിയിൽ ഉൾപ്പെടുത്തി ഇടുക്കി നെടുങ്കണ്ടത്തിന് സമീപം പുതിയ വീടിൻറെ നിർമാണം പൂർത്തിയാക്കി.