സിഡ്നിയിൽ അസാധാരണമായ ഈർപ്പം; ചൂട് തുടരാൻ സാധ്യത
സിഡ്നി ∙ കഴിഞ്ഞ ദിവസങ്ങളായി സിഡ്നിയിൽ അസാധാരണമായ ഉയർന്ന ഈർപ്പവും ചൂടും അനുഭവപ്പെടുന്നതായി കാലാവസ്ഥാ വിദഗ്ധർ അറിയിച്ചു. സാധാരണയായി ശരത്കാലത്തിലേക്ക് കടക്കുമ്പോൾ ഈർപ്പം കുറയേണ്ട സമയമാണെങ്കിലും, ഇത്തവണ വായുവിലെ ഈർപ്പനിരക്ക് സാധാരണയേക്കാൾ കൂടുതലാണ്.
Australian Bureau of Meteorology (BOM) വ്യക്തമാക്കുന്നതു പ്രകാരം, സമുദ്ര ഭാഗത്തുനിന്നുള്ള ചൂടുള്ള ഈർപ്പമുള്ള കാറ്റുകൾ ന്യൂ സൗത്ത് വെയിൽസിന്റെ തീരപ്രദേശങ്ങളിലേക്ക് എത്തുന്നതാണ് ഇതിന് പ്രധാന കാരണം. ഈ സാഹചര്യത്തിൽ രാത്രികളിലും താപനില കുറയാതെ ഉയർന്ന ഈർപ്പവും അസ്വസ്ഥതയും അനുഭവപ്പെടുന്നുവെന്ന് അധികൃതർ പറഞ്ഞു. ചില ദിവസങ്ങളിൽ ഇടിയോടുകൂടിയ മഴയ്ക്കും സാധ്യതയുണ്ടെന്നാണ് മുന്നറിയിപ്പ്.
കാലാവസ്ഥാ നിരീക്ഷകരുടെ വിലയിരുത്തൽ പ്രകാരം, ഈ ചൂടും ഈർപ്പവും അടുത്ത ചില ദിവസങ്ങൾ കൂടി തുടരാൻ സാധ്യതയുണ്ട്, പിന്നീട് ശരത്കാല കാലാവസ്ഥ പതുക്കെ സ്ഥിരതയിലേക്ക് മാറുമെന്നാണ് പ്രതീക്ഷ.
