Super User

Super User

Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.

ഓസ്‌ട്രേലിയയിൽ സ്ഥിരതാമസമാക്കിയവർ ഇവിടെ വച്ച് മരണമടഞ്ഞാൽ സ്വത്തുവകകൾ ആർക്ക് കൈമാറണമെന്ന കാര്യത്തെക്കുറിച്ചു നിശ്ചയിക്കാൻ വിൽ പത്രം തയ്യാറാക്കേണ്ടത് ആവശ്യമാണ്. എന്നാൽ വിൽ പത്രമില്ലാത്ത സാഹചര്യത്തിൽ പെട്ടെന്നുണ്ടാകുന്ന രോഗമോ അപകടമോ മൂലം ഒരാൾ അബോധാവസ്ഥയിലായാൽ സ്വത്തുക്കളുടെ അവകാശം തീരുമാനിക്കാനായി പവർ ഓഫ് അറ്റോണി തയ്യാറാക്കാറുണ്ട്.

ഓസ്‌ട്രേലിയയിൽ ജീവിക്കുമ്പോൾ മുൻകൂറായി പവർ ഓഫ് അറ്റോണി തയ്യാറാക്കേണ്ടതിന്റെ ആവശ്യകത എത്രത്തോളമാണ്? ഇതേക്കുറിച്ച് മെൽബണിൽ ബി കെ ലോയേഴ്‌സിൽ സോളിസിറ്ററായ ബിന്ദു കുറുപ് വിശദീകരിക്കുന്നത് കേൾക്കാം.

കടപ്പാട്: SBS

നടുറോഡിലൂടെ പതിയെ നീങ്ങുകയാണ് ഗാനമേളസംഘത്തിന്‍റെ തുറന്ന വാഹനം. അത്യുച്ചത്തില്‍ പാട്ടുമുഴങ്ങുന്ന വാഹനത്തിനു പിന്നാലെ റോഡ് നിറഞ്ഞ് നൃത്തം ചവിട്ടി നീങ്ങുകയാണ് ആയിരങ്ങള്‍. മിന്നിത്തിളങ്ങുന്ന ലൈറ്റ് ഷോകള്‍ക്കിടയിലൂടെ ബോളീവുഡ് സൂപ്പര്‍ഹിറ്റ് ഗാനത്തിനൊത്ത് ചാടി മറിയുകയാണ് യുവാക്കള്‍. ഒരു കാല്‍നടയാത്രക്കാരനു പോലും കടന്നു പോകാനാവാത്ത വിധം ജനം തിങ്ങി നിറഞ്ഞ റോഡ്. ഇരുവശങ്ങളിലും തിങ്ങിനിറഞ്ഞ് ആയിരക്കണക്കിന് കാഴ്ചക്കാര്‍.

പെട്ടെന്നാണ് അത് സംഭവിച്ചത്. ഒരു ആംബുലൻസ് സൈറൺ മുഴക്കി പാഞ്ഞു വരുന്നു. സമീപത്തെ കെട്ടിടങ്ങള്‍ക്ക് മുകളിലും മറ്റും കാഴ്ചക്കാരായി നിന്നവരില്‍ മ്ലാനത പടര്‍ന്നു. ഈ ജനസാഗരത്തിനിടയിലൂടെ ആംബുലന്‍സ് കടന്നു പോകുന്നത് എങ്ങനെ? എന്നാല്‍ നിമിഷങ്ങള്‍ക്കകമാണ് അത് സംഭവിച്ചത്. സമുദ്രം വഴിമാറുന്നത് പോലെ നൊടിയിട കൊണ്ട് റോഡിനിരുവശത്തേക്കും രണ്ടായി പിരിയുന്ന ജനം. ആരുടെയും ആജ്ഞയില്ലാതെ ഒരു നൃത്തച്ചുവടിന്‍റെ അനായാസതയോടെ ജനം ചുവടുവച്ചപ്പോള്‍ നടുവില്‍ തെളിയുന്ന റോഡ്. അതിലൂടെ ഒരു നിമിഷം പോലും വൈകാതെ രോഗിയുമായി കുതിച്ചു പായുന്ന ആംബുലന്‍സ്.

കഴിഞ്ഞ കുറച്ചു മണിക്കൂറുകളായി സോഷ്യല്‍ മീഡിയയില്‍ വൈറലായിക്കൊണ്ടിരിക്കുന്ന ഒരു വീഡിയോ ആണിത്. കഴിഞ്ഞ ദിവസം മണ്ണാര്‍ക്കാട് പൂരത്തിനിടെയാണ് സംഭവം. കണ്ടതില്‍ വച്ച് ഏറ്റവും ഹൃദ്യമായ ദൃശ്യമെന്ന തലക്കെട്ടോടെയാണ് വാട്സാപ്പിലും ഫേസ്ബുക്കിലും പലരും ഈ വീഡിയോ പങ്കുവയ്ക്കുന്നത്. അത്യാസന്ന നിലയിലുള്ള രോഗികളെയും കൊണ്ട് കുതിച്ചു പായുന്ന ആംബുലൻസുകൾക്ക് മുന്നിലൂടെ വാഹനങ്ങളോടിച്ചു മാർഗതടസമുണ്ടാക്കുന്നവര്‍ ഇതൊന്ന് കാണണമെന്നും പലരും ആഹ്വാനം ചെയ്യുന്നു.

എന്തായാലും മനുഷ്യത്വം മരിച്ചിട്ടില്ലെന്നതിനു ഒരു നാട് തന്നെ തെളിവു നല്‍കുകയാണ് ഈ വീഡിയോയിലൂടെ.

ന്യൂ​ഡ​ൽ​ഹി: പൊ​തുതെ​ര​ഞ്ഞെ​ടു​പ്പ് മു​ന്നി​ൽ വ​ന്നുനി​ൽ​ക്കേ ബി​ജെ​പി​യെ പി​ടി​ച്ചുകു​ലു​ക്കി മു​തി​ർ​ന്ന നേ​താ​വ് ബി.​എ​സ്. യെ​ദിയൂ​ര​പ്പ​​യു​ടെ ക​ണ​ക്കു പു​സ്ത​കം. ക​ർ​ണാ​ട​ക മു​ഖ്യ​മ​ന്ത്രി പ​ദ​ത്തി​ലേ​റാ​ൻ യെ​ദിയൂ​ര​പ്പ​ പാ​ർ​ട്ടി​ക്കും നേ​താ​ക്ക​ൾ​ക്കും 1800 കോ​ടി രൂ​പ കോ​ഴ ന​ൽ​കി​യെ​ന്ന വെ​ളി​പ്പെ​ടു​ത്ത​ലാ​ണ് പു​റ​ത്തുവ​ന്നി​രി​ക്കു​ന്ന​ത്.

ബി​ജെ​പി കേ​ന്ദ്ര ക​മ്മി​റ്റി​ക്ക് ആ​യി​രം കോ​ടി രൂ​പ ന​ൽ​കി​യെ​ന്നും മു​തി​ർ​ന്ന ബി​ജെ​പി നേ​താ​ക്ക​ളാ​യ എ​ൽ.​കെ.അ​ഡ്വാ​നി, മു​ര​ളീ മ​നോ​ഹ​ർ ജോ​ഷി, കേ​ന്ദ്ര മ​ന്ത്രി​മാ​രാ​യ രാ​ജ്നാ​ഥ് സിം​ഗ്, അ​രു​ണ്‍ ജയ്റ്റ്‌ലി, നി​തി​ൻ ഗ​ഡ്ക​രി എ​ന്നി​വ​ർ യെ​ദിയൂ​ര​പ്പ​യു​ടെ കൈ​യി​ൽനി​ന്നു കോ​ടി​ക​ൾ വാ​ങ്ങി​യെന്നുമാണ് അ​ദ്ദേ​ഹ​ത്തി​ന്‍റേ​താ​യി പു​റ​ത്തു വ​ന്ന ഡ​യ​റി​യി​ൽ പ​റ​യു​ന്ന​ത്.

ഇ​തി​നു പു​റ​മേ നി​തി​ൻ ഗ​ഡ്ക​രി​യു​ടെ മ​ക​ന്‍റെ വി​വാ​ഹ ആ​വ​ശ്യ​ത്തി​നാ​യി പ​ത്തു കോ​ടി രൂ​പ ന​ൽ​കി. വി​വി​ധ ജ​ഡ്ജി​മാ​ർ​ക്ക് 250 കോ​ടി​യും അ​ഭി​ഭാ​ഷ​ക​ർ​ക്ക് അ​ന്പ​ത് കോ​ടി രൂ​പ​യും ന​ൽ​കി​യെ​ന്നു ഡ​യ​റി​യി​ൽ പ​റ​യു​ന്നു. ബി​ജെ​പി​യെ ഒ​ന്ന​ട​ങ്കം പി​ടി​ച്ചു കു​ലു​ക്കി​യ കോ​ഴ വി​വാ​ദം പു​റ​ത്തു വി​ട്ട​ത് മ​ല​യാ​ളി​യും മു​തി​ർ​ന്ന പ​ത്ര​പ്ര​വ​ർ​ത്ത​ക​നു​മാ​യ വി​നോ​ദ് കെ. ​ജോ​സ് എ​ക്സി​ക്യൂ​ട്ടീ​വ് എ​ഡി​റ്റ​റാ​യി​ട്ടു​ള്ള കാ​രവൻ മാ​സി​ക​യാ​ണ്.

വാ​ർ​ത്ത പു​റ​ത്തു വ​ന്ന​തി​നു പി​ന്നാ​ലെ ഇ​ത് ബി​ജെ​പി​ക്കെ​തി​രേ​യു​ള്ള ക​ടു​ത്ത ആ​യു​ധ​മാ​ക്കി കോ​ണ്‍ഗ്ര​സ് രം​ഗ​ത്തെ​ത്തി. യെ​ദിയൂ​ര​പ്പ​യു​ടെ കൈ​യൊ​പ്പു​ള്ള ഡ​യ​റി​യി​ൽ ബി​ജെ​പി നേ​താ​ക്ക​ൾ​ക്കു പ​ണം ന​ൽ​കി​യ​തി​ന്‍റെ തെ​ളി​വു​ക​ളു​ണ്ടെ​ന്ന് കോ​ണ്‍ഗ്ര​സ് വക്താവ് സുർജേവാല പറഞ്ഞു. ഇ​പ്പോ​ൾ പു​റ​ത്തു വ​ന്നി​രി​ക്കു​ന്ന ഡ​യ​റി​യി​ലെ കൈ​യ​ക്ഷ​ര​വും ഒ​പ്പും വ്യാ​ജ​മാ​ണെ​ന്ന് യെ​ദിയൂ​ര​പ്പ​​യും ബി​ജെ​പി​യും പ്ര​തി​ക​രി​ച്ചു. ഈ ​രേ​ഖ​ക​ൾ ആ​ദാ​യ​നി​കു​തി വ​കു​പ്പ് വ്യാ​ജ​മാ​ണെ​ന്ന് ക​ണ്ടെ​ത്തി​യ​താ​ണ്. മു​തി​ർ​ന്ന അ​ഭി​ഭാ​ഷ​ക​രു​മാ​യി കൂ​ടി​യാ​ലോ​ചി​ച്ച് മാ​ന​ന​ഷ്ട​ക്കേ​സ് ന​ൽ​കു​മെ​ന്നും യെ​ദിയൂ​ര​പ്പ​ പ​റ​ഞ്ഞു.

ക​ന്ന​ഡ​യി​ലെ​ഴു​തി​യി​രി​ക്കു​ന്ന ക​ണ​ക്കു​ക​ൾ​ക്കൊ​ടു​വി​ൽ പേ​രെ​ഴു​തി ഒ​പ്പു​വ​ച്ചി​രി​ക്കു​ന്ന​ത് യെ​ദിയൂ​ര​പ്പ​​യാ​ണെ​ന്നു കോ​ണ്‍ഗ്ര​സ് ആ​രോ​പി​ച്ചു. ബി​ജെ​പി നേ​താ​ക്ക​ൾ​ക്ക് പ​ണം ന​ൽ​കി​യ​ത് 2009 ജ​നു​വ​രി 17നും ​ബി​ജെ​പി കേ​ന്ദ്ര ക​മ്മ​റ്റി​ക്ക് പ​ണം ന​ൽ​കി​യ​ത് 2009 ജ​നു​വ​രി 18നും ​ആ​ണെ​ന്നാ​ണു രേഖയിൽ പറയുന്നത്.

ബി​ജെ​പി നേ​താ​ക്ക​ൾ​ക്ക് എ​തി​രാ​യു​ള്ള കോ​ഴ ആ​രോ​പ​ണം പു​തി​യ​താ​യി നി​യ​മി​ക്ക​പ്പെ​ട്ട ലോ​ക്പാ​ൽ പ്ര​ഥ​മ കേ​സാ​യി പ​രി​ഗ​ണി​ച്ച് അ​ന്വേ​ഷ​ണം ന​ട​ത്ത​ണ​മെ​ന്നും കോ​ണ്‍ഗ്ര​സ് ആ​രോ​പി​ച്ചു. പ്ര​ധാ​ന​മ​ന്ത്രി മു​ത​ൽ ബി​ജെ​പി​യു​ടെ നേ​താ​ക്ക​ൾ എ​ല്ലാ​വ​ർ​ക്കും എ​തി​രേ അ​ന്വേ​ഷ​ണം ന​ട​ത്തേ​ണ്ട വെ​ളി​പ്പെ​ടു​ത്ത​ലാ​ണി​തെ​ന്നും സു​ർ​ജേ​വാ​ല ആ​രോ​പി​ച്ചു.

ര​ണ്ട വ​ർ​ഷം മു​ൻ​പ് 2017 ൽ ​യെ​ദിയൂരപ്പ​യും അ​ന്ത​രി​ച്ച ബി​ജെ​പി നേ​താ​വാ​യ അ​ന​ന്ത് കു​മാ​റും ന​ട​ത്തി​യ ഫോ​ണ്‍ സം​ഭാ​ഷ​ണം പു​റ​ത്തു വ​ന്നി​രു​ന്നു. അ​ന്ന് കോ​ഴ ന​ൽ​കി​യ വി​വ​രം യെ​ദിയൂ​ര​പ്പ​ ഫോ​ണി​ൽ സം​സാ​രി​ക്കു​ന്ന​തോ​ടൊ​പ്പം ഒ​രു ഡ​യ​റി​യെക്കു​റി​ച്ചും പ​രാ​മ​ർ​ശി​ക്കു​ന്നു​ണ്ട്. ഈ ​വി​വ​രം അ​ന്ന് കോ​ണ്‍ഗ്ര​സും ക​ർ​ണാ​ട​ക​യി​ലെ പ്രാ​ദേ​ശി​ക പ​ത്ര​ങ്ങ​ളും ഉ​യ​ർ​ത്തി​യെ​ങ്കി​ലും ഡ​യ​റി സം​ബ​ന്ധി​ച്ച് പി​ന്നീ​ട് വി​വ​രമൊന്നും ഉ​ണ്ടാ​യി​രു​ന്നി​ല്ല. എ​ന്നാ​ൽ, ഈ ​ഡ​യ​റി ആ​ദാ​യ​നി​കു​തി വ​കു​പ്പി​ന്‍റെ ക​സ്റ്റ​ഡി​യി​ലാ​യി​രു​ന്നു​വെ​ന്നാ​ണ് ഇ​പ്പോ​ൾ പു​റ​ത്തു വ​ന്നി​രി​ക്കു​ന്ന വി​വ​രം.

1800 കോ​ടി രൂ​പ​യു​ടെ അ​ന​ധി​കൃ​ത കൈ​മാ​റ്റം സം​ബ​ന്ധി​ച്ച രേ​ഖ​ക​ൾ ഉ​ണ്ടാ​യി​രു​ന്നി​ട്ടും ആ​ദാ​യ നി​കു​തി വ​കു​പ്പ് അ​ന്വേ​ഷ​ണം ന​ട​ത്തി​യി​ല്ലെ​ന്നും കോ​ണ്‍ഗ്ര​സ് ആ​രോ​പി​ച്ചു. തു​ക എ​ന്നു കൈ​മാ​റി​യെ​ന്നു വ്യ​ക്ത​മ​ല്ലെ​ങ്കി​ലും 2009 മു​ത​ൽ 2011 വ​രെ​യു​ള്ള കാ​ല​ഘ​ട്ട​ത്തി​ലാ​ണ് ഇ​ട​പാ​ടു​ക​ൾ ന​ട​ത്തി​യ​തെ​ന്നാ​ണ് സൂ​ച​ന​ക​ൾ. ഡ​യ​റി​ 2009 ലേതാണ്.ഇതേപ്പറ്റി പ്ര​ധാ​ന​മ​ന്ത്രി ന​രേ​ന്ദ്ര മോ​ദി പ്ര​തി​ക​രി​ക്ക​ണ​മെ​ന്നും കോ​ണ്‍ഗ്ര​സ് വക്താവ് ആ​വ​ശ്യ​പ്പെ​ട്ടു.

കൊച്ചി: നടന്‍ ഉണ്ണി മുകുന്ദനെതിരായ ലൈംഗികാരോപണക്കേസില്‍ കൂടുതല്‍ വെളിപ്പെടുത്തലുമായി യുവതി. കേസ് അട്ടിമറിക്കാന്‍ നീക്കം നടക്കുന്നുവെന്നും നടന്റെ സുഹൃത്തുക്കള്‍ ഫോണില്‍ വിളിച്ചു ഭീഷണിപ്പെടുത്തുന്നുവെന്നുമാണ് യുവതിയുടെ ആരോപണം. ഇതിന്റെ തെളിവുകള്‍ കോടതിയ്ക്കു കൈമാറിയെന്നും യുവതി പറഞ്ഞു.

ഉണ്ണി മുകുന്ദനെതിരായ കേസ് വ്യാജമാണെന്നു ചലച്ചിത്രമേഖലയിലെ ഒരുവിഭാഗം പ്രചാരണം നടത്തുന്നതിനിടെയാണു ശക്തമായ വെളിപ്പെടുത്തലുകളുമായി യുവതി വീണ്ടും രംഗത്തെത്തിയത്. കഴിഞ്ഞ ഓഗസ്റ്റ് 23-നാണ് കേസിന് ആസ്പദമായ സംഭവം. എറണാകുളത്തു തിരക്കഥാരചന കോഴ്സ് പൂര്‍ത്തിയാക്കിയ യുവതി, താന്‍ എഴുതിയ കഥ കേള്‍പ്പിക്കാനായി ഉണ്ണി മുകുന്ദന്റെ വീട്ടിലെത്തി. തുടര്‍ന്ന്, നടന്‍ പീഡിപ്പിക്കാന്‍ ശ്രമിച്ചെന്നാണു പരാതി. സെപ്റ്റംബര്‍ ഏഴിനു യുവതി നേരിട്ടു കോടതിയെ സമീപിച്ചു.

കോടതി രഹസ്യമൊഴി രേഖപ്പെടുത്തുകയും ഉണ്ണി മുകുന്ദനെതിരേ കേസെടുക്കാന്‍ നിര്‍ദേശിക്കുകയും ചെയ്തു. യുവതി പണമാവശ്യപ്പെട്ടു തന്നെ ബ്ലാക്മെയില്‍ ചെയ്യാന്‍ ശ്രമിക്കുന്നുവെന്നാരോപിച്ച് ഡിസംബര്‍ 10-ന് ഉണ്ണി മുകുന്ദന്‍ ചേരാനെല്ലൂര്‍ പോലീസില്‍ പരാതി നല്‍കി. കോടതി യുവതിയെ ക്രോസ് വിസ്താരം ചെയ്ത് നടപടി തുടരുന്നതിനിടെ കേസ് ഒത്തുതീര്‍പ്പായെന്ന മട്ടില്‍ രഹസ്യപ്രചാരണം നടന്നു. ഇതോടെയാണു കൂടുതല്‍ വെളിപ്പെടുത്തലുമായി യുവതി രംഗത്തെത്തിയത്.

നടനെ ബ്ലാക്‌മെയില്‍ ചെയ്തു എന്നു പറയുന്നത് കളവാണെന്നാണ് യുവതി പറയുന്നത്. ഇതുസംബന്ധിച്ചു പോലീസ് വിളിപ്പിക്കുകയോ ചോദ്യംചെയ്യുകയയോ ഉണ്ടായില്ല. കേസില്‍നിന്നു തന്നെ പിന്തിരിപ്പിക്കാനാണ് ഈ നീക്കം. ഉണ്ണി മുകുന്ദന്റെ സുഹൃത്തുക്കള്‍ ഫോണില്‍ വിളിച്ച് ഭീഷണിപ്പെടുത്തിയെന്നും യുവതി പറഞ്ഞു. ഉണ്ണിക്കു തന്നെ കാണണമെന്നു സുഹൃത്തുക്കളിലൊരാള്‍ പറഞ്ഞതിനെത്തുടര്‍ന്ന് അത്തരം ഫോണ്‍ കോളുകള്‍ ഒഴിവാക്കി. അവര്‍ പറഞ്ഞ കാര്യങ്ങള്‍ റെക്കോഡ് ചെയ്തിട്ടുണ്ട്. പോലീസില്‍ പരാതിപ്പെട്ടാല്‍ വിവാദമാകുമെന്നും സ്ത്രീയെന്ന നിലയില്‍ ബുദ്ധിമുട്ടുണ്ടാകുമെന്നും കരുതിയാണു നേരിട്ടു കോടതിയെ സമീപിച്ചത്. കേസില്‍നിന്നു പിന്മാറില്ലെന്നും എല്ലാ തെളിവും കൈവശമുണ്ടെന്നുമാണ് യുവതി പറയുന്നത്.

ചെന്നൈ: മുനമ്പം മനുഷ്യക്കടത്ത് കേസില്‍ പ്രധാന പ്രതിയടക്കം ആറ് പേരെ പൊലീസ് പിടികൂടി. മുഖ്യപ്രതിയായ സെല്‍വനടക്കമുള്ളവരാണ് പൊലീസ് കസ്റ്റഡിയിലുള്ളത്. ചെന്നൈയ്ക്ക് അടുത്ത് തിരുവള്ളൂരില്‍ നിന്നുമാണ് പ്രതികളെല്ലാം പിടിയിലായത്.

ഓസ്ട്രേലിയക്ക് പോയ ബോട്ടില്‍ തന്‍റെ നാല് മക്കള്‍ ഉള്ളതായി സെല്‍വന്‍ പൊലീസിന് മൊഴി കൊടുത്തതായാണ് വിവരം. നൂറിലേറെ പേര്‍ സംഘത്തിലുണ്ടായിരുന്നുവെന്നും അഞ്ച് മാസത്തെ ആസൂത്രണത്തിനൊടുവിലാണ് മനുഷ്യക്കടത്ത് നടത്തിയതെന്നുമാണ് സെല്‍വന്‍ പറയുന്നത്. ആളുകളെ കടത്തേണ്ട ബോട്ട് കണ്ടെത്തിയതും ആളുകളെ സംഘടിപ്പിച്ചതും തന്‍റെ നേതൃത്വത്തിലാണെന്നും സെല്‍വന്‍റെ മൊഴിയില്‍ പറയുന്നുണ്ട്. പ്രതികളുടെ അറസ്റ്റ് ഉടനെ രേഖപ്പെടുത്തും. ആറ് പേരേയും ചോദ്യം ചെയ്യുന്നത് തുടരുകയാണ്. തമിഴ് നാട് ക്യൂ ബ്രാഞ്ചിന്‍റെ സഹായത്തോടെയാണ് പ്രതികളെ പിടികൂടിയത്.

ഓസ്ട്രേലിയയിലെ മുറായ് നദിതീരത്ത് നിന്ന് കൂറ്റൻ സൺ ഫിഷിനെ കണ്ടെത്തി. മത്സ്യത്തൊഴിലാളികളായ രണ്ടുപേരാണ് സൺ ഫിഷിനെ ആദ്യം കണ്ടത്. ലോകത്തിലെ ഏറ്റവും വലിയ ബോണി ഫിഷ് ആണിത്. മോല മോല എന്ന പേരിലും സൺഫിഷ് അറിയപ്പെടാറുണ്ട്. ജെല്ലി ഫിഷുകളാണ് ഇവയുടെ ആഹാരം.

ഒരു കാറിന്‍റെ അത്രയും ഭാരം ഇവയ്ക്ക് ഉണ്ടാകും. സൺബാത്തിന് സമാനമാണ് ഇവയുടെ നീന്തലെന്ന വ്യാഖ്യാനത്തിൽനിന്നാണ് സൺ ഫിഷ് എന്ന പേര് ലഭിച്ചത്. ചൂടേൽക്കാനായി എപ്പോഴും കടലിന്‍റെ ഉപരിതലത്തിൽ കാണപ്പെടുന്ന മത്സ്യങ്ങളാണ് സൺ ഫിഷുകൾ.

സൗത്ത് ഓസ്ട്രേലിയയിൽ ഇത്തരം ഫിഷുകൾ വളരെ അപൂർവമായാണ് കാണാറുളളതെന്ന് സൗത്ത് ഓസ്ട്രേലിയൻ മ്യൂസിയം ഫിഷ് കളക്ഷൻ മാനേജർ റാൽഫ് ഫോസ്റ്റർ പറഞ്ഞു. കടലിന് ഉപരിതലത്തിൽ എപ്പോഴും കാണുന്നതിനാൽ പലപ്പോഴും ബോട്ടുകൾ സൺ ഫിഷുകളെ ഇടിക്കാറുണ്ടെന്നും അദ്ദേഹം പറഞ്ഞു.

ന്യൂസീലന്‍റിലെ ക്രൈസ്റ്റ് ച‍ർച്ചിലെ പള്ളികളിലുണ്ടായ വെടിവെപ്പിൽ കൊല്ലപ്പെട്ട കൊടുങ്ങല്ലൂർ സ്വദേശി അൻസി അലി ബാവയുടെ മൃതദേഹം തിങ്കളാഴ്ചയോടെ നാട്ടിലെത്തിക്കാൻ കഴിയുമെന്ന് ബന്ധുക്കൾ. പോസ്റ്റ്മോർട്ടം നടപടികൾ പൂർത്തിയാക്കി മൃതദേഹം ഭർത്താവിന് കൈമാറിയെന്ന് ബന്ധുക്കൾ അറിയിച്ചു. എംബാം ചെയ്ത ശേഷം നാട്ടിലേക്ക് എത്തിക്കാനുള്ള നടപടികൾ തുടങ്ങും.

എംബാം ചെയ്ത ശേഷം തിങ്കളാഴ്ചയോടെ മൃതദേഹം നാട്ടിൽ എത്തിക്കുമെന്ന് കരുതുന്നതായി അൻസിയുടെ ചെറിയച്ഛൻ നൗഷാദ് പറഞ്ഞു. നോർക്ക അധികൃതരുമായി നിരന്തരം ബന്ധപ്പെടുന്നണ്ടെന്നും അദ്ദേഹം അറിയിച്ചു. ഇന്നോ നാളെയോ മൃതദേഹം എംബാം ചെയ്യുമെന്നാണ് അറിയുന്നത്. പിന്നീടാണ് നാട്ടിലേക്ക് കൊണ്ടു വരിക.

ഭർത്താവ് അബ്ദുൽ നാസറിനൊപ്പം പള്ളിയിലെത്തിയ ആൻസി, ബ്രെന്‍റണ്‍ ടാരന്‍റൻറെ വെടിയേറ്റ് വീഴുകയായിയിരുന്നു. അബ്ദുൽ നാസർ ക്രൈസ്റ്റ് ചര്‍ച്ചിലെ സൂപ്പർ മാർക്കറ്റിലാണ് ജോലി ചെയ്തിരുന്നത്. ഇതിനിടെ അക്രമണത്തില്‍ മരിച്ചവരുടെ എണ്ണം അമ്പതായി. അപകടത്തില്‍ മരിച്ചവരില്‍ ഒരു മലയാളി ഉൾപ്പെടെ അഞ്ച് പേർ ഇന്ത്യക്കാരാണ്. ന്യൂസീലൻഡിൽ കാർഷിക സർവകലാശാല വിദ്യാർത്ഥിനിയായിരുന്ന ആൻസിയ്ക്ക് ആക്രമണത്തിൽ ഗുരുതരമായി പരിക്കേറ്റിരുന്നു. ആന്‍സിയയെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

ക്രൈസ്റ്റ്ചര്‍ച്ച്: ന്യൂസീലാന്‍റില്‍ തോക്ക് നിയമങ്ങള്‍ മാറ്റി. തോക്കുകള്‍ വാങ്ങുന്നതില്‍ കര്‍ശന നിയമം കൊണ്ടുവരുന്നതിന് കഴിഞ്ഞ മാര്‍ച്ച് 18ന് ചേര്‍ന്ന ക്യാബിനറ്റ് അനുമതി നല്‍കിയിരുന്നു. ക്രൈസ്റ്റ് ചര്‍ച്ച് മുസ്‌ലിം പള്ളിയിലുണ്ടായ വെടിവെപ്പിന്റെ പശ്ചാത്തലത്തിലാണ് സര്‍ക്കാര്‍ തീരുമാനം. 49 പേരുടെ മരണത്തിന് ഇടയാക്കിയ സംഭവത്തിന്‍റെ പാശ്ചാത്തലത്തില്‍ സെമി ഓട്ടോമാറ്റിക്ക് അസാള്‍ട്ട് റൈഫിള്‍ വില്‍പ്പന നിരോധിച്ചതായി പ്രധാനമന്ത്രി ജസീന്ത ആഡേണ്‍ പ്രഖ്യാപിച്ചു.

ക്രൈസ്റ്റ് ചര്‍ച്ചിലെ മുസ്‌ലിം പള്ളികളില്‍ വെടിവെപ്പുണ്ടായതിന് പിന്നാലെ രാജ്യത്തെ തോക്ക് നിയമങ്ങള്‍ പരിഷ്കരിക്കുമെന്ന് പ്രധാനമന്ത്രി നേരത്തെ പറഞ്ഞിരുന്നു. ക്രൈസ്റ്റ് ചര്‍ച്ച് ഭീകരാക്രമണ പ്രതി ബ്രെന്റണ്‍ ടെറന്റ് ഉപയോഗിച്ച മിലിറ്ററി മോഡല്‍ തോക്കുകള്‍ ഉപയോഗിക്കുന്നത് നിലവിലെ നിയമപ്രകാരം നിയമവിരുദ്ധമല്ലായിരുന്നു. ഇതിലാണ് ഇപ്പോള്‍ നിരോധനം വന്നിരിക്കുന്നത്.

1.5 മില്യണ്‍ ആളുകള്‍ക്കാണ് ന്യൂന്സിലാന്റില്‍ തോക്ക് ലൈസന്‍സ് ഉള്ളത്.16-18 വയസുള്ളവര്‍ക്ക് നിലവില്‍ തോക്ക് ലൈസന്‍സ് ലഭിക്കാന്‍ അര്‍ഹതയുണ്ട്. ഇവര്‍ക്ക് മിലിട്ടറി മോഡല്‍ ഓട്ടോമാറ്റിക് തോക്ക് സ്വന്തമാക്കാം എന്നായിരുന്നു ഇപ്പോഴത്തെ രീതി. അതില്‍ മാറ്റം വരും. ലൈസന്‍സുള്ള പലരും തങ്ങളുടെ തോക്കുകള്‍ രജിസ്റ്റര്‍ ചെയ്തിട്ടില്ലയെന്നത് വലിയ അപകടമാണ്. ലൈസന്‍സ് നല്‍കുന്നവരുടെ ക്രിമിനല്‍, മെഡിക്കല്‍ റെക്കോര്‍ഡുകള്‍ പൊലീസ് പരിശോധിക്കേണ്ടതുണ്ട്. ഒരിക്കല്‍ ലൈസന്‍സ് നേടിയാല്‍ എത്ര തോക്കുകള്‍ വാങ്ങിക്കൂട്ടുന്നതിനും അവര്‍ക്ക് യാതൊരു തടസവും ഇല്ലായിരുന്നു.

ഇതിന് മുമ്പ് തോക്ക് നിയമങ്ങളില്‍ മാറ്റം വരുത്താനുള്ള ശ്രമങ്ങളെല്ലാം ഗണ്‍ ലോബിയുടെ ഇടപെടല്‍ മൂലം പരാജയപ്പെട്ടിരുന്നു. എന്നാല്‍ പൗരന്മാരുടെ സുരക്ഷിതത്വം കണക്കിലെടുത്ത് നിയമത്തില്‍ മാറ്റം വരുത്താനാണ് കിവീസ് സര്‍ക്കാറിന്‍റെ തീരുമാനം.

കൊ​ച്ചി: ലോ​ക​സ​ഭാ തെ​ര​ഞ്ഞെ​ടു​പ്പ് പ്ര​ച​ര​ണ​ത്തി​ല്‍ ഇ​ത്ത​വ​ണ കേ​ര​ള​ത്തി​ല്‍ നി​ന്ന് സോ​ഷ്യ​ല്‍ മീ​ഡി​യ കൊ​യ്യു​ക 100 കോ​ടി​യി​ലേ​റെ. 20 മ​ണ്ഡ​ല​ങ്ങ​ളി​ല്‍ എ​ല്ലാ പാ​ര്‍ട്ടി​ക​ളും അ​വ​രു​ടെ അ​നു​ഭാ​വി​ക​ളും ഒ​രു​പോ​ലെ സോ​ഷ്യ മീ​ഡ​യ​യി​ല്‍ കൈ​വ​ച്ച​തോ​ടെ​യാ​ണ് ഈ ​നേ​ട്ടം ക​മ്പ​നി​ക​ള്‍ക്ക് ല​ഭി​ക്കു​ക.

ഫേ​സ്ബു​ക്കി​നും വാ​ട്സ്ആ​പ്പി​നു​മാ​ണ് കേ​ര​ള​ത്തി​ല്‍ ഏ​റ്റ​വും പ്രി​യം. പ്ര​മു​ഖ പ​ര​സ്യ​ക​മ്പ​നി​ക​ളും, സോ​ഫ്റ്റ്‌​വെ​യ​ര്‍ ക​മ്പ​നി​ക​ളും, പി​ആ​ര്‍ ബാ​ക്ക്ഗ്രൗ​ണ്ടി​ല്‍ നി​ന്നു​ള്ള വ്യ​ക്തി​ക​ളു​മാ​ണ് പ്ര​ച​ര​ണ​ത്തി​നാ​യി സ്ഥാ​നാ​ർ​ഥി​ക​ളെ സ​മീ​പി​ച്ചി​രി​ക്കു​ന്ന​ത്. പ​ഠ​ന​ങ്ങ​ള്‍ അ​നു​സ​രി​ച്ച് മ​ല​യാ​ളി ഒ​രു ദി​വ​സം വാ​ട്ട്സാ​പ്പ് നോ​ക്കു​ന്ന​ത് ശ​രാ​ശ​രി 75 ത​വ​ണ​യാ​ണ്. കൂ​ടു​ത​ല്‍ സ​മ​യം ചെ​ല​വ​ഴി​ക്കു​ന്ന​തു ഫെ​യ്സ്ബു​ക്കി​ല്‍.

ആ​റു ല​ക്ഷം രൂ​പ മു​ത​ല്‍ പ​ത്ത് ല​ക്ഷം രൂ​പ​ വ​രെ​യാ​ണ് പ​ല മ​ണ്ഡ​ല​ങ്ങ​ളി​ലും സ്ഥാ​നാ​ർ​ഥി​ക​ള്‍ സോ​ഷ്യ​ല്‍ മീ​ഡി​യ​യി​ല്‍ ഒ​ഴു​ക്കു​ന്ന​ത്. എ​ന്നാ​ല്‍ ഇ​ത് എ​ങ്ങ​നെ ക​ണ​ക്കി​ല്‍ വ​രു​മെ​ന്ന കാ​ര്യ​ത്തി​ല്‍ ക​മ്മീ​ഷ​ണ​നും സ്ഥാ​നാ​ർ​ഥി​ക​ള്‍ക്കും വ​ലി​യ പി​ടു​ത്ത​മി​ല്ല. പ്രി​ന്‍റ് ചെ​യ്ത പോ​സ്റ്റ​റു​ക​ളെ​ക്കാ​ള്‍ കൂ​ടു​ത​ല്‍ പോ​സ്റ്റ​റു​ക​ള്‍ പ്ര​ച​രി​ക്കു​ന്ന​ത് സോ​ഷ്യ​ല്‍ഷ്യ മീ​ഡി​യ​ത്തി​ലാ​ണ്. നി​ല​വി​ല്‍ ബി​ജെ​പി​യാ​ണ് കേ​ര​ള​ത്തി​ല്‍ സോ​ഷ്യ​ല്‍ മീ​ഡി​യ​യി​ല്‍ വ​ന്‍ സ​ന്നാ​ഹം ഒ​രു​ക്കി​യി​രി​ക്കു​ന്ന​ത്. കോ​ണ്‍ഗ്ര​സ് ഔ​ദ്യോ​ഗി​ക​മാ​യി ഡി​ജി​റ്റ​ല്‍ സം​വി​ധാ​ന​ത്തി​ന് സം​സ്ഥാ​ന​ത്ത് രൂ​പം കൊ​ടു​ത്തു ക​ഴി​ഞ്ഞു.

സോ​ഷ്യ​ല്‍ മീ​ഡി​യ പ്ര​ച​ര​ണ​ത്തി​ല്‍ നി​ന്ന് നേ​ട്ടം കൊ​യ്യു​ന്ന​ത് മൊ​ബൈ​ല്‍ ക​മ്പ​നി​ക​ള്‍ കൂ​ടി​യാ​യി​രി​ക്കും, ഡേ​റ്റാ ഉ​പ​യോ​ഗം സാ​ധാ​ര​ണ നി​ല​യി​ലെ ഇ​ര​ട്ടി ഉ​ണ്ടാ​കു​മെ​ന്നാ​ണ് നി​ല​വി​ലെ വി​ല​യി​രു​ത്തി​രി​ക്കു​ന്ന​ത്. 750 ടി​ബി​യി​ല്‍ ഏ​റെ​യാ​ണ് നി​ല​വി​ല്‍ കേ​ര​ള​ത്തി​ലെ ഡേ​റ്റാ ഉ​പ​യോ​ഗം. ഒ​രു മ​ല​യാ​ളി സാ​ധാ​ര​ണ 400 എം​ബി വ​രെ ഉ​പ​യോ​ഗി​ക്കു​ന്നു​ണ്ട്. ജി​യോ 200 ടി​ബി, ബി​എ​സ്എ​ന്‍എ​ല്‍ 150 ടി​ബി , ഐ​ഡി​യ 150 ടി​ബി , എ​യ​ര്‍ടെ​ല്‍ 150 ടി​ബി , വൊ​ഡാ​ഫോ​ണ്‍ 100 ടി​ബി എ​ന്നി​ങ്ങ​നെ​യാ​ണ് ക​മ്പ​നി​ക​ളു​ടെ നി​ല​വി​ലെ അ​വ​സ്ഥ.

ലണ്ടൻ: വായ്പാ തട്ടിപ്പ് നടത്തി ഇന്ത്യയിൽ നിന്ന് നാടുവിട്ട നീരവ് മോദി ലണ്ടനിൽ അറസ്റ്റിൽ. ലണ്ടനിലെ വെസ്റ്റ് മിൻസ്റ്റർ കോടതി നീരവ് മോദിക്കെതിരെ അറസ്റ്റ് വാറണ്ട് പുറപ്പെടുവിച്ചിരുന്നു. വെസ്റ്റ് എൻഡിലെ ആഡംബരവസതിയിൽ വച്ചാണ് നീരവ് മോദിയെ അറസ്റ്റ് ചെയ്തതെന്നാണ് സൂചന. ഇന്ത്യയിലെ എൻഫോഴ്സ്മെന്‍റിന്‍റെ ആവശ്യപ്രകാരമാണ് അറസ്റ്റ് വാറണ്ട് പുറപ്പെടുവിച്ചിരിക്കുന്നത്. നീരവ് മോദിയെ അറസ്റ്റ് ചെയ്ത് ഇന്ത്യക്ക് കൈമാറണമെന്നായിരുന്നു എൻഫോഴ്സ്മെന്‍റിന്‍റെ ആവശ്യം.

ഓഗസ്റ്റ് 2018-ലാണ് എൻഫോഴ്സ്മെന്‍റ് നീരവ് മോദിയെ അറസ്റ്റ് ചെയ്യണമെന്ന ആവശ്യം ലണ്ടൻ കോടതിയ്ക്ക് മുമ്പാകെ വച്ചത്. യു കെ ആഭ്യന്തരസെക്രട്ടറി സജീദ് ജാവേദ് അപേക്ഷയിൽ ഒപ്പു വച്ചു. നീരവ് മോദിയെ അറസ്റ്റ് ചെയ്താൽ വെസ്റ്റ് മിൻസ്റ്റർ കോടതിയിൽ വിചാരണ തുടങ്ങാം. കോടതിയ്ക്ക് നീരവിനെ കൈമാറാൻ അനുവദിച്ചുകൊണ്ട് ഈ കോടതിയ്ക്ക് വിധി പുറപ്പെടുവിക്കാനാകും.

ഈ മാസം ആദ്യവാരം ടെലഗ്രാഫ് ദിനപത്രത്തിന്‍റെ ലേഖകർ നീരവ് മോദിയെ കണ്ടപ്പോൾ ചോദിച്ച ചോദ്യങ്ങൾക്കെല്ലാം 'നോ കമന്‍റ്സ്' എന്ന് മാത്രമായിരുന്നു മറുപടി.

ലണ്ടനിലെ വെസ്റ്റ് എൻഡിൽ 80 ലക്ഷം പൗണ്ടിന്റെ (ഏകദേശം 73 കോടി) അപ്പാർട്ട്മെന്റിലാണ് മോദിയുടെ താമസം. ബിനാമി പേരിൽ ഇപ്പോഴും വജ്ര വ്യാപാരം തുടരുന്നതായും റിപ്പോട്ടുകളുണ്ട്. കഴിഞ്ഞ ദിവസം മോദിയുടെ മുംബൈയിലെ അലിബാഗിലെ ആഡംബര ബംഗ്ലാവ് റവന്യൂ അധികൃതർ സ്ഫോടക വസ്തുക്കൾ ഉപയോഗിച്ച് തകർത്തിരുന്നു. കടൽത്തീരത്ത് കൈയേറ്റഭൂമിയിലാണ് ബം​ഗ്ലാവ് പണിതതെന്ന് കണ്ടെത്തിയതിനെ തുടർന്നാണ് ബം​ഗ്ലാവ് പൊളിച്ചുമാറ്റാൻ ബോംബൈ ഹൈക്കോടതി ഉത്തരവിട്ടത്.

നീരവ് മോദിയുടെ ജാമ്യാപേക്ഷ ലണ്ടൻ കോടതി തള്ളി. സാമ്പത്തിക തട്ടിപ്പിന്‍റെ വ്യാപ്തി കണക്കിലെടുത്താണ് ജാമ്യം നിഷേധിച്ചത്. ജാമ്യത്തിൽ വിട്ടാൽ ഒളിവിൽപ്പോവാൻ സാധ്യതയുണ്ടെന്നും കോടതി നിരീക്ഷിച്ചു. നീരവ് മോദിയുടെ ഭാര്യ എമിക്കെതിരെയും അറസ്റ്റ് വാറൻറ് പുറപ്പെടുവിച്ചിരുന്നു. ജാമ്യമില്ലാ വകുപ്പുകൾ പ്രകാരമാണ് വാറൻറ്. ഭാര്യ എമിയും നീരവിനൊപ്പം രാജ്യം വിട്ടിരുന്നു. നീരവ് മോദിയുടെ ഇന്ത്യയിലെ സ്വത്തുക്കൾ ലേലം ചെയ്യാനുള്ള നീക്കവും എൻഫോഴ്സ്മെന്‍റ് ഡയറക്ടറേറ്റ് തുടങ്ങിയിട്ടുണ്ട്.

Page 1 of 66
© 2018. All Rights Reserved. Editor in Chief: Thiruvallam Bhasi, Editor: Ajitha Chirayil, Contact: Indian Malayali , 1/ 473, Middleborough Road, Box Hill North, VIC-3128, Ph: 0061 415 906 017, 0061 03 9890 9940, E-mail: editor@Indianmalayali.com, Web Design & Manage: updatingweb