കൈരളി ബ്രിസ്ബെയ്നിന്റെ മെഗാ ഓണാഘോഷം സെപ്റ്റംബർ 3ന്
ബ്രിസ്ബെയ്ൻ∙: ബ്രിസ്ബെയ്നിലെ ഏറ്റവും വലിയ ഓണാഘോഷങ്ങളിലൊന്നായ കൈരളി ബ്രിസ്ബെയ്ൻ മലയാളി അസോസിയേഷന്റെ മെഗാ ഓണാഘോഷം ‘ഓണം പൊന്നോണം’ ഫോറസ്റ്റ് ലേക്കിലുള്ള ലൈറ്റ് ഹൗസ് ഇവന്റ് സെന്ററിൽ സെപ്റ്റംബര്‍ 3 ന് നടത്തും.
രാവിലെ 10 മണിയ്ക്ക് ഭദ്രദീപം കൊളുത്തി ആഘോഷങ്ങള്‍ക്ക് തുടക്കം കുറിക്കും. കുട്ടികളുടെ കലാപരിപാടികള്‍ ചടങ്ങുകൾക്കു മോടി കൂട്ടും.
രാവിലെ 10 മണി മുതല് ആരംഭിക്കുന്ന ഓണാഘോഷത്തിൽ തിരുവാതിര ഭാരത നാട്യം, മോഹിനിയാട്ടം, ക്ലാസിക്കൽ ഡാൻസുകൾ, സിനിമാറ്റിക് ഡാ൯സുകള്‍, നാടൻ പാട്ടുകൾ, സ്‌കിറ്റുകൾ ഉൾപ്പെടെ വിവിധ കലാപരിപാടികൾ പരിപാടികള്‍ക്ക് കൂടുതല്‍ നിറം പകരും.
ഉപ്പേരി, പഴം, പപ്പടം, പായസം അടക്കം 22 ഓളം വിഭവങ്ങളുമായി നാവിൽ രുചിയൂറുന്ന വിഭവസമൃദ്ധമായ ഓണസദ്യ, താലപ്പൊലിയുടെയും ചെണ്ടമേളത്തിന്റെയും അകമ്പടിയോടെയുള്ള മാവേലിയുടെ വരവേല്പ് എന്നിവയാണ് ഇത്തവണത്തെ ഓണത്തിന്റെ പ്രേത്യകത
ഓസ്ട്രേലിയയിലെ ഏറ്റവും വലിയ ഓണാഘോഷത്തിനു തിരി തെളിയുമ്പോള്‍ അതില്‍ പകെടുക്കുവാ൯ കൈരളിയുടെ എല്ലാ അംഗങ്ങളെയും അഭ്യുദയകാംഷികളെയും എല്ലാ മലയാളി സുഹൃത്തുക്കളെയും കമ്മിറ്റി മെംബേഴസ് ക്ഷണിക്കുന്നു.
മറുനാട്ടിലെ സ്വന്തം തിരക്കുകള്‍ക്കിടയില്‍ അവനവന്റെ പൈതൃകത്തെ തിരിച്ചറിയുന്ന മലയാളിക്ക്, പൂക്കൂടയില് പൂ വാരി നിറച്ച്, പൂമുറ്റം തീര്ത്ത് അത്തം മുതല് പത്തുദിവസം ആര്ത്തുവിളിച്ച് മഹാബലിയെ വരവേല്ക്കാനായി ഒരുക്കിയിരുന്ന പഴയ ഓണാഘോഷത്തിന്റെ സ്മരണ തന്റെ മക്കള്ക്ക് ആകാംവിധത്തില് പകര്ന്നുനല്കാന് കഴിയും വിധമാണ് ഈ പൊന്നോണം ഒരുക്കിയിരിക്കുന്നത് എന്ന് പ്രസിഡന്റ് ടോം ജോസഫ് , സെക്രട്ടറി സൈമൺ മുളങ്ങാണി, ട്രഷറർ അരുൺ കല്ലൂപ്പറമ്പിൽ എന്നിവർ അറിയിച്ചു.
പരിപാടിയുടെ വിജയത്തിനായി കമ്മിറ്റി അംഗങ്ങളുടെ നേതൃത്വത്തിൽ വിവിധ കമ്മിറ്റികൾ പ്രവർത്തിക്കുന്നു. ഈ ഓണഘോഷം വിജയപ്രദമാക്കുവാന് ബ്രിസ്ബെ൯ നിവാസികളായ എല്ലാ മലയാളി സഹോദരങ്ങളും സഹായിക്കണം എന്നും സംഘാടക൪ അഭ്യര്ത്ഥിക്കുന്നു.
കൈരളിയുടെ അംഗത്വം എടുക്കുന്നതിനും ‘ഓണം പൊന്നോണം’ പ്രേവശന കൂപ്പണുമായി താഴെ പറയുന്നവരെ ബന്ധപെടുക.
ടോം ജോസഫ്: 0422202684, സൈമൺ മുളങ്ങാണി: 0402767143, അരുൺ കല്ലുപുരക്കൽ : 0431533623.
