ഡോ. രാജി രഘുനാഥിന് പുരസ്‌കാരം നൽകി ആദരിച്ചു

മികച്ച നഴ്‌സിംഗ് അധ്യാപകനുള്ള ഏഷ്യനെറ്റിൻ്റെ ഈ വർഷത്തെ എക്‌സലൻസി അവാർഡിന് തെരഞ്ഞെടുക്കപ്പെട്ട ഡോ. രാജി രഘുനാഥിന് ഓസ്ട്രേലിയയിലെ ഇന്ത്യൻ മലയാളി മാഗസിന്റെ പേരിൽ പുരസ്‌കാരം നൽകി ആദരിച്ചു.

അമല നഴ്‌സിംഗ് കോളേജ് പ്രിൻസിപ്പളായ രാജി രഘുനാഥ് തിരുവനന്തപുരം മെഡിക്കൽ കേളേജിലെ 1985-89 ബാച്ചിലെ വിദ്യാർത്ഥിയായിരുന്നു. അതേ ബാച്ചിലെ സഹപാഠിയാണ് ഓസ്ട്രേലിയയിലെ സിൻബേൺ യൂണിവേഴ്‌സിറ്റിയിലെ സൈക്യാട്രറി നഴ്‌സിംഗ് അധ്യാപികയും ഇന്ത്യൻ മലയാളി എഡിറ്ററുമായ അജിത ചിറയിൽ.

മാഗസിൻ പുരസ്‌കാരം കാലടി ശ്രീ ശങ്കരാചാര്യ യൂണിവേഴ്‌സിറ്റി അസോസിയേറ്റ് പ്രൊഫസർ ഡോ. എൻ.ആർ. സജില, എറണാകുളത്തെ ESTILO Projects Pvt. Ltd സിഇഒ എസ്. കുമാർ എന്നിവർ ചേർന്ന് കൈമാറി. ചടങ്ങിൽ കോളേജിലെ സഹപ്രവർത്തകർ പങ്കെടുത്തു.