MWT ഗ്ലോബൽ വെബ്ബിനാർ ബ്രോഷർ പ്രകാശനം ചെയ്തു

മെൽബൺ: ഓസ്‌ട്രേലിയയിലെ പ്രധാന വിദ്യാഭ്യാസ സ്ഥാപനമായ MWT ഗ്ലോബൽ 2022 ലെ വിവിധ കോഴ്‌സുകളുടെ ഭാഗമായി സംഘടിപ്പിക്കുന്ന വെബ്ബിനാറുകളുടെ ബ്രോഷർ പ്രകാശനം മെൽബണിലെ IHM ക്യാമ്പസിൽ നടന്നു.

MWT CEO ബിജോ കുന്നുംപുറത്ത്, മീഡിയ കോർഡിനേറ്റർ തിരുവല്ലം ഭാസിക്ക് നൽകി പ്രകാശനം ചെയ്തു.

മലയാള സിനിമയിലെ പ്രിയ താരങ്ങളായ ജഗദീഷ്, മമ്മുക്കോയ എന്നിവരാണ് ഈ വർഷത്തെ കോഴ്‌സുകളെ കുറിച്ചു വെബ്ബിനാർ ബ്രോഷറുകളിൽ സന്ദേശം നൽകുന്നത്. മാതൃഭൂമിയുമായി ചേർന്നുള്ള ആദ്യ വെബ്ബിനാർ ഏപ്രിൽ രണ്ടാം തീയതി മാതൃഭൂമി വെബ് പേജിൽ നടക്കും.

20 വർഷത്തെ അനുഭവ പാരമ്പര്യവുമായി 17500 ഓളം നഴ്‌സുമാർക്ക് ഓസ്‌ട്രേലിയയിലേക്ക് വഴിതെളിച്ച സ്ഥാപനമാണ് MWT ഗ്ലോബൽ.

ഉന്നത നഴ്‌സിംഗ് വിദ്യാഭ്യാസ മേഖലക്ക് നൽകിയ സേവനങ്ങൾ വിലയിരുത്തി UK ആസ്ഥാനമായ ഹയർ എജുക്കേഷൻ അക്കാദമിയുടെ 2021 ലെ പ്രിൻസിപ്പൽ ഫെലോഷിപ്പ് ലഭിച്ചു.